ROXAS CITY, CAPIZ- Nagareklamo ang mga pumuluyo sang Barangay Lonoy, Roxas City sa barado kag gamay nga mga drainage ukon kanal sa ila nga lugar.
Sa interview sang Bombo Radyo kay Nanay Jocelyn, residente sang amo nga lugar, iya ginpahayag nga sa tion nga mag-ulan sang mabaskog, madasig nga nagataas ang lebel sang tubig-baha sa ila nga bahin sa Sitio Santo Niño.
Dugang man ni Nanay Glenda, madugay nga maghubas ang amo nga baha bangud nga barado ang amo nga mga kanal rason kun kaisa nga ginpakamaayo nalang nila nga magtinir sa ila nga puluy-an kaysa nga mag-ubog sa tubig-baha.
Pahayag pa sang duha, bangud sa barado nga drainage, sa tion nga magbaha nagalalapta ang mga basura kag nagasulod pa kun kaisa sa ila nga tagsa ka mga panimalay.
Mensahe naman sini sa mga natungdan nga kuntani balikdon kag hatagan ini sang nagakaigo nga igtalupangod ang amo nga problema sa ila nga barangay.
Interviewed by Bombo Francis Biñas
