DAO CAPIZ – Pilason ang isa ka lalaki, matapos magluntad ang aksidente sa National Highway Barangay Balacuan, Dao Capiz.
Ginkilala ang biktima kay alyas Ella, 31-anyos kag residente sang Jaro, Iloilo City samtang ang driver suspect ang ginkilala kay alyas Jonel, 3-anyos kag residente sang nasambit nga lugar.
Sa interview sang Bombo Radyo kay PLT. Mary An Ela-Baldevia Deputy Chief of Police sang Dao Municipal Police Station, ginpahayag sini nga samtang ginasubay sang biktima ang dalanon nagikan sa Jaro, Iloilo sakay sang Honda CR-V sini nga salakyan kag padulong kun tani sa syudad sang Roxas aksidente ini nga nabungguan ang likod nga bahin sang iya salakyan sang Honda TMX nga motorsiklo nga ginamaneho sang driver suspect nga padulong man kun tani sa syudad sang Roxas.
Suno kay Ela-Bldevia, bangud sa impact sang pagkabungo nag-angkon sang pilas sa magkatuhay nga parte sang lawas ang driver suspect nga madasig naman ginpadangat sa Senator Gerardo M. Roxas Memorial District Hospital sa amu nga banwa para sa nagakaigo nga pagbulong.
