Nagbayluhanay sang inumol ang duha ka driver sa nagluntad nga away trapiko sa Arnaldo Boulevard, Barangay Tanque, Roxas City sang tinalikdan nga Myerkules sang hapon, Agosto 14.
Pahayag ni Joenas Rogando, traffic auxiliary nga nagresponde sa lugar, nagsugod ang gamo sang nagsangit ang tapaludo sang salakyan sa side wheel sang tricycle, sang nagkomprontahanay na ang magtimbang nga bahin, nagbayluhanay ini sang mga masakit nga tinaga nga nagresulta sa sinumbaganay.
Natumba kag nalipong sang makadali ang tricycle driver, matapos ini nga ginsumbag sang nakapuisay sini sa trapiko sa nasambit nga lugar.
Dugang pa ni Roganda, subong lang ini naka-eksperyensya sang kaangay nga insidente sa trapiko.
Samtang, gilayon naman nga ginrespondehan sang Roxas City PNP ang nasambit nga insidente.
