CAPIZ – Ginasiguro sang Department of Social Welfare and Development (DSWD) sa publiko nga ang food automation system ang naga-pomote sang transparency kag accountability sa distribution sang relief goods sa bilog nga pungsod.
Sa interview sang Bombo Radyo kay DSWD Secretary Rex Gatchalian, iya ginpahayag nga antes pa man nag-umpisa ang automation system, may yara na ang ahensya sang relief operations data nga available sa publiko.
Suno kay Gatchalian, ang pag-develop sang automation system ang indi lang para nga masunod ang requirement sang Commission on Audit (COA) kundi bangud nga mapadasig ang pag-track kag pag-record kun sa diin gina-deliver ang goods.
Pahayag niya, naka-preposition ang relief goods sa nagkalain-lain nga parte sang pungsod sa diin ginasiguro nga available ang supplies sa tion nga may kalamidad ukon trahedya nga matabo.
Dugang pa sang natungdan, ang impormasyon sa distribution kag recipient nga local government units ang naka-publish online.
