Nagpirma sa isa ka kasunduan sanday Department of Social Welfare and Development (DSWD) Secretary Rex Gatchalian kag Department of Education Secretary Juan Edgardo “Sonny” Angara para iduso ang ila bag-o nga programa nga “Tara Basa! Tutoring Program”.
Ini agud tayuyon na nga matuman ang mangin implementasyon sini sa publiko ilabi na sa mga bata nga luyag magkabalo sa pagbasa.
Paathag ni DSWD Asec. Irene Dumlao, ginatuyo sang programa nga mabuligan ang mga pamatan-on nga mahatagan ang mga ini sang educational support kag para mabuligan kag matudluan ang pila ka mga kabataan nga nabudlayan ukon non-reader students nga magbasa kag magsulat.
Ginsiguro man sini nga ang pagpatuman sini ang naayon sa kooperasyon sang mga national government agencies kag local government units para makahatag sang mga accessible nga oportunidad ilabi na sa mga estudyante nga mga yara sa elementarya pa lamang.
Samtang, isa lamang ini sa mga ginlatag nga programa sang ahensya nga makabulig sa mga kabataan tubtob sa tuig 2028.
Subong nga tuig, nagdangat sa 120,359 ka mga estudyante ang nabuligan sang programa kag sa karon may yara na sang improvements sa pagbasa.
