CAPIZ – Gin-athag sang pamunuan sang Department of Trade and Industry – Capiz nga wala pa sang may nabatun nga mga reklamo angut sa mga produkto online nga mga substandard.
Sa interview sang Bombo Radyo Roxas kay Merian Asas, OIC Povincial Director sang DTI-Capiz, iya ginpahayag nga kinahanglan nga may Product Safety (PS) mark ang mga ginabakal nga produkto bilang patimaan nga safe kag legit ini, lakip na ang mga Import Commodity Clearance (ICC) stickers para sa mga imported goods.
Suno sa iya, ang mga masami nga reklamo nga nababaton sang ila talatapan amo ang Lain ang gin order;lain ang naga abot kag may naga abot nga wala Gina order.
Bangud sini, gina-enganyo sang Department of Trade and Industry (DTI) Capiz ang mga konsumidor nga mangin ma-usisa sa ila nga Gina order online ukon i report sa ila talatapan agud gilayon nga ma aksyonan kag mahatagan sang nagakaigo nga penalidad.
Matandaan nga naglab-ot sa kabug usan nga 18,494 nga mga reklamo ang nabaton sang DTI sa bilog nga pungsod kun sa diin 3,500 diri ang ila nga naresolba samtang ang masobra 14,000 nga iban pa ang gin-endorso sa ila nga ahensiya.
