ROXAS CITY– Ginkompimar sang Provincial Disaster Risk Reduction and Management Office (PDRRMO) nga may 27 ka mga Overseas Filipino Workers repatriates ang nagpauli sa probinsiya sang Capiz nga nastranded sa Metro Manila.
Ginpahayag ni Mrs. Judy Grace Pelaez nga ikatlo na ini nga batch sang mga OFWs repatriates nga nagpauli sa Capiz.
Gindugang pa ni Pelaez nga lunsay nakapaidalum na sa 14 day quarantine ang mga repatriates kag lunsay nagnegatibo man sa RT-CPR test sa Metro Manila.
Apang gin-athag ni Pelaez nga liwat ini sila nga ipaidalum sa 14 day quarantine sa tagsa ka mga quarantine facilities kag liwat man nga ipaidalum sa RT-PCR testing.
Samtang naglab-ut na tanan sa 47 ka mga OFW repatriates ang natigayon na nga makapauli sa probinsiya sang Capiz.
