Dugang nga sweldo sa mga kabulig sa Region 6, epektibo subong nga Mayo – DOLE 6 Director

ROXAS CITY – Epektibo na subong nga bulan sang Mayo ang dugang nga sweldo sang mga kabulig sa Region 6.

Ini ang ginkompirmar ni Department of Labor and Employment (DOLE) Regional Director Cyril Ticao sang mainterview sang Bombo Radyo Roxas.

Suno kay Ticao, sumugod sa Mayo 8, mangin P4, 000 na ang minimum wage para sa mga kabulig sa rehiyon.

Ginpasiguro naman sang ahensiya nga mangin hugot ang ila nga monitoring kun ginasunod sang mga employers ang husto nga pasweldo sa mga kabulig sa Western Visayas.

Magluwas sa mga kabulig, wala sang lauman nga dugang nga sweldo ang iban nga mga mamumugon sa rehiyon kadungan sang Adlaw sang Mamumugon ukon Labor Day subong nga adlaw.