Wala pa napasakaan sang kaso ang Duha ka indibidwal matapos nadakpan sa isa ka entrapment operation sang mga otoridad sa Brgy. Banica, Roxas City sang Marso 18, 2026.
Ang mga nadakpan amo sanday alyas “Renante” kag alyas “Celso” lunsay mga residente sang Purok 2, Brgy. Tabu-an, Estancia, Iloilo.
Sa interview sang Bombo Radyo kay Police Captain Semdan Sitchon, Head sang Maritime Command, Roxas City, iya ginapahayag nga ginhahulat pa ang mga legal nga dokumento
halin sa National Tobacco Administration, Department of Health, Bureau of Internal Revenue, kag Department of Trade and Industry agud mapasakaan na sang kaso ang mga nagkaladakpan.
Narekober naman sa paghinakop ang isa ka master case nga may 49 ka reams sang iligal nga sigarilyo, isa ka cellphone, kag isa ka salakyan nga ginapatihan ginamit sa ilegal nga aktibidad.
Samtang, ginahulat pa ang opisyal nga balor sang mga nakumpiska nga sigarilyo halin sa National Tobacco Administration.
Sa subong, temporary nga nakaguwa an nasambit nga mga indibiwal bangud ginaproseso pa ang iban nga mga dokumento.
