-- ADVERTISEMENT --
Pilason ang duha ka indibidwal matapos maaksidente ang ginasakyan nga motorsiklo sa Barangay Cagay, Roxas City.
Ang mga biktima amo si alyas Rey, 20-anyos kag residente sang Brgy. Manibad, Mambusao, Capiz, kag si alyas Icy, 19-anyos kag residente sang banwa sang Jamindan, Capiz.
Sandig sa report, nadulaan sang kontrol sa manibela ang driver samtang ginasubay ang dalan sang Barangay Cagay, rason nga nagbunggo kag natumba ang motorsiklo.
Naka-angkon sang pilas sa ulo ang duha kag gilayon nga gindala sa Roxas Memorial Provincial Hospital para sa nagakaigo nga pagbulong.
