Gintay-og sang 6.8 magnitude nga linog ang eastern Cuba sadtong domingo, pila adlaw lamang matapos ginlaslas sang hurricane Rafael nga nagresulta sa ila sang nationwide blackouts.
Suno sa United States Geological Survey, ang epicenter sang nasambit nga pagtay-og ang nag-igo sa may bahin sang 25 miles south sa munisipalidad sang Bartolomé Masó, Cuba.
Magluwas pa diri, ginkibot na sila sang 5.9 magnitude nga linog, isa ka oras bag-o maeksperyensyahan ang ikaduha nga mabaskog nga paghulag sang duta.
Apisar duha ka magkasunod nga linog ang nagkibot sa pungsod, wala ini nag-abot sa punto agud mag-angkon sang kahadlok sa posible matabo nga tsunami.
Kasubong man, wala naman sang napagkit ang mga awtoridad nga numero kun may yara sang napatay bangud sa panghitabo.
