Duha ka mga Impeachment complaints nga gin-file batok kay Pres. Ferdinand Marcos Jr., pareho nga ginbasura sang house committee on justice

Ginbasura sang House Committee on Justice ang duha ka impeachment complaints nga gin-file batok kay President Ferdinand “Bongbong” Marcos Jr.  bangud sa “insufficiency in substance”.

Sa boto 42 ang  pabor, isa kontra, kag tatlo ang nag-abstain.

Ginpahayag sang komite nga ang impeachment complaint nga gin-file ni Atty. Andre de Jesus kag gin-endorso ni Rep. Jett Nisay ang “insufficient in substance.”

Madumduman nga sang nagligad nga adlaw, ang duha ka impeachment complaints ang una ginpahayag nga “sufficient in form,” apang ginbasura sa gihapon bangud sa kakulangan sang ebidensya kag legal nga basehan para ipadayon ini sa plenaryo sang Kamara.