Duha ang narekord nga napatay bangud sa dengue sa Probinsya sang Capiz.
Ang mga napatay ang gikan sa Banwa sang Tapaz kag sa Syudad sang Roxas.
Sa interview sang Bombo Radyo kay Mr. Joeffry Espirito, Information Officer sang Department of health–Capiz, iya ginpahayag nga naglab-ot na sa 216 ang kabug-usan nga kaso sang dengue sa probinsya halin Enero tubtob Abril 2026.
Suno sa datos, ang Roxas City ang may pinakamadamo nga kaso nga may 43, ginsundan sang Pontevedra nga may 38, Tapaz nga may 36, Cuartero nga may 16, Panay nga may 12, kag Sapian nga may 10 ka kaso.
Nagpanawagan man ini sa publiko nga padayon nga ipatuman ang 4S strategy nga amo ang Search and destroy breeding sites, Secure self-protection, Seek early consultation, kag Say Yes to Fogging.
