ROXAS CITY-Pilason ang duha ka mga persona matapos nga bumunggo ang ginasakya nga motorsiklo sa naka park nga truck sa Barangay Cagay, Roxas City.
Ginkilala ang nagkalapilasan nga sanday John Ureta, 20-anyos residente sang Barangay Cabugao Ivisan, Capiz kag backrider sini nga si Elmar Dela Peña, 25-anyos kag residente sang Barangay Agustin Navarra sa amo man nga banwa.
Sandig sa inisyal nga imbestigasyon sang mga kapulisan nga samtang ginasubay sang mga biktima ang dalan gikan sa banwa sang Ivisan, aksidente nila nga nabungguan ang naka park nga truck sa kilid sang dalan nga ginamaneho ni Frederick Catubuan ,residente sang Barangay Lonoy, sining siyudad.
Bangud sini nag-angkon sang pilas sa magkatuhay nga porsyon sang kalawasan ang mga biktima nga lunsay mga lipong sang gindala sa ospital.
Sa karun nagapadayon pa ang imbestigasyon sang mga kapulisan natuhoy sa insidente.
