-- ADVERTISEMENT --
ROXAS CITY – Arestado ang duha ka persona matapos ang ginkasa nga drug buy bust operation sa Barangay Punta Tabuc, Roxas City.
Ginkilala ang mga nagkaladakpan nga sanday alyas Andro, 38-anyos nga residente sang nasambit nga Barangay kag alyas Jessa, 25-anyos nga residente naman sang Barangay Baybay sini nga syudad.
Nakuha sa paghinakop sang mga nagkaladakpan ang apat tanan ka sachet sang suspected shabu kag buybust money nga nagabalor sang P2,000.
Sa karon yara na ang mga ini sa kustodiya sang mga otoridad kag natalana nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002.
