Pilas ang naangkon sang duha ka ginapahayag drayber sang trisikol kag motosiklo matapos ini ang nagbungu-anay sa Barangay Concencia, Panitan Capiz.
Ginkilala ang biktima nga driver sang tricycle kay, alyas ”Fern”, 44-anyos, kag residente sang Barangay Timpas, samtang ginatudlo suspek nga driver sang motorsiklo kay alyas ”Al”, 22-anyos, kag residente sang Barangay Quios, Panitan Capiz.
Sa interview sang Bombo Radyo kay PEMS Dave Lastimoso, deputy officer sang Panitan MPS, ginapahayag nga samtang ginasubay ang dalanon ni alyas fern sakay sa iya nga tricycle nga padulong kuntani sa banwa sang Pontevedra, apang pag-abot sa lugar nga ginluntaran sang insidente hinali ini nga ginbungu-an sang kasugata nga motorsiklo nga ginamaneho ni ”Al”.
Ginapahayag nga nagpangagaw sang linya ang driver sang motorsiklo rason nga sila ang aksidente nga nagbunggu-anay.
Nagresulta naman sa pag-angkon sang mga pilas sa ila kalawasan ang duha ka persona bangud sa mabaskog nga impak sang pagkabunggo.
Samtang, gilayon naman nga ginrespondihan sang mga katapo sang MDRRMO-Panitan kag gindapatan sang pauna nga pagbulong ang nasambit nga mga Driver antes ini nga ginpadangat sa separado nga ospital para sa nagakaigo nga pagbulong.
Sa karon, padayon nga ginatatap sa ospital ang nasambit nga mga driver, samtang yara sa paghinakop sang Panitan MPS ang mga imbolbado sa behikulo, para sa nagakaigo nga disposisyon.
