Duha ang pilason nagbunggoanay ang mga motorsiklo sa Barangay Tico,Panay, Capiz.
Ang mga driver sang motorsiklo amo sanday alyas Michael 18-anyos, residente sang Brgy. Rizal, kag alyas Erwin, 45-anyos, residente sang Brgy. Poblacion Ilaya, Pontevedra Capiz.
Sa interview sang Bombo Radyo kay Police Captain Ronald Ton-ogan, hepe sang Panay Municipal Police Station, iya ginpahayag nga samtang ginasubay ni alyas Michael ang dalanon sang Barangay Tico, hinali na lamang ini nga nabunggoan ni alyas Erwin bangud ginaalegar nga nang-agaw ini sang linya.
Suno pa kay Ton-ogan, bangud sa mabaskog nga impact sang pagkabunggo, lunsay nag-angkon sang pilas ang duha ka mga driver nga madasig naman nga gin-respondehan sang Municipal Disaster Risk Reduction and Management Panay kag gin dala sa magkatuhay nga hospital.
Dugang pa sang natungdan, wala pa sang pahayag ang pamilya sang duha ka mga motorista kun magapasaka ang mga ini sang kaso.
