DAVAO CITY – Liwat nga nagtililipon ang mga kabataan ni anay Presidente Rodrigo Duterte para sa Thanksgiving gathering nga ginpaambit ni Davao City 1st District Representative Paolo “Pulong” Duterte sa iya Facebook page.
Makita sa litrato, kaupod niya si Vice President Sara Duterte kag Davao City Mayor Sebastian Duterte.
Suno kay Rep. Duterte, isa ka pagpasalamat ang pagtililipon sa pihak sang mga pagtilaw nga gina-atubang sang ila pamilya.
Samtang, nagapabilin sa kustodiya sang International Criminal Court (ICC) sa The Hague, Netherlands si anay Presidente Duterte bangud sa kaso nga crimes against humanity may kaangtanan sa maduguon nga kampanya kontra droga nga Oplan Tokhang.
Sang nagligad nga 2025 midterm elections, liwat nga nagsulod sa lokal nga pulitika ang pamilya Duterte sa diin nagdaug si FPRRD nga alkalde sang Davao City, samtang si Sebastian ang bise alkalde, kag liwat nga napilian si Paolo bilang tiglawas sang una nga distrito sang Davao.
