Economic growth forecast sang Pilipinas, nagnubo

Ginpanubo sang Asian Development Bank ang forecast sang economic growth forecast sang Pilipinas para sa tuig 2026 sa 4.4% gikan sa nauna nga 5.3%, bangud sang uncertainty tuga sang tensyon sa Middle East.

Suno sa Asian Development Bank, posible maapektuhan ang ekonomiya sang pungsod bangud sa pagtaas sang inflation kag mataas nga presyo sang langis, ilabi na nga nagasalig ang Pilipinas sa imported fuel.

Ginpataas man ang inflation forecast sa 4% subong nga tuig, samtang ang posible nga epekto sa mga remittances kag investments nagapabilin nga pamahog kon magpadayon ang krisis.

Sa pihak sini, ginalauman nga magapabilin nga mayor nga pwersa sang ekonomiya ang domestic demand kag investment.