Wala nagakadulaan sang pag-asa si Pinoy pole vaulter EJ Obiena nga maangkon ang mga target nga record para sa iya kaugalingon.
Ginpahayag sini nga kun dalayon na ini nga mag-ayo halin sa iya nga injury sa likod, handa na sini nga malapawan ang iya nga 6.00 meters nga record.
Ang nasambit nga record ang iya nga naangkon sadtong 2023 World Championship sa Hungary kun sa diin nagpangaduwa ini sa record-holder nga si Armand Duplantis sang Sweden.
Sa kasaysayan, may yara lamang sang tatlo ka tawo ang nakalab-ot sang masobra 6.10 meters nga target sa karon ni Obiena.
Ang mga ini ang ginakalakipan nanday legendary Sergey Bubka sang Ukraine nga may yara sang 6.15 meters sadtong 1993; Renauld Lavillenie sang France nga may yara sang 6.16 meters kag si Duplantis nga may 6.26 meters sa Diamond league.
Suno kay Obiena nga malipayon na ini kun malab-ot ang target nga 6.15 meters.
Nagasalig naman ang coach sini nga si Vitaly Petrov nga sarang lab-uton sang Pinoy pole vaulter ang nasambit nga taas.
Sa karon, target ni Obiena nga magpaaayo kun sa diin base sa mga pagsiyasat sang iya nga mga doctor, malab-ot pa sa pila ka bulan antes ini maka-recover.
