Gin-athag sang isa ka elderly welfare, expert ang Republic Act No. 7432 nga may tinutuyo nga i-maximize ang contribsuyon sang tagsa ka senior citizen sa nation building, grant benefits, special nga prebelihiyo kag iban pa nga mga katuyuan.
Sa interview sang Bombo Radyo kay Reuben A. Cuñada, Head sang Office for Senior Citizens Affairs, Pilar Capiz, iya ginpahayag nga mahimo na nga maka-avail ang tagsa ka senior citizens nga naga-edad sang 80-anyos, 85-anyos, 90-anyos, 95-anyos sang tag P10,000 kag kon makaabot naman sa 100 years old makabaton man sila sang beneficiaries nga P100,000.
Suno kay Cuñada, daku man nga rason nga wala pa nakabaton ukon na-delay ang paghatag sa tagsa ka beneficiaries bangud sa kakulang sang staff kag pagproseso sang dugang nga mga dokumento.
Pahayag pa niya posible man nga isa ka rason ang bag-o nga layi nga National Commission of Senior Citizen ukon “NCSC”, kon sa diin isa ka digital centralized database nga may tinutuyo mapadasig ang paghatag sang benepisyo, pension, kag pagbaylo ukon pagdugang sang mga data.
Nagpanawagan man ang natungdan nga kon may dugang nga pamangkot mahimo lang magkadtu sa ila opisina sang OSCA Pilar, Capiz para sa nagakaigo nga bulig.
