Nagapabilin nga pending sa Malacañang ang panawagan nga P200 Emergency Relief Allowance sang General Alliance of Workers Association para sa mga mamumugon.
Sa interview sang Bombo Radyo kay Wennie Sancho, Secretary General sang General Alliance of Workers Association, iya ginpahayag nga wala pa ginaistoryahan sang Malacañang ang sweldo para sa mga mamumugon labi na ang ginapangayo nga P200 per day sa labor sector.
Suno sa iya, ang pahayag sang Malacañang ang makabig nga wala sang intensyon nga aprubahan ang dugang nga Emergency Relief Allowance kag pagpataas sang P200 minimum wage sa mga mamumugon.
Dugang pa niya, mas ginatutukan sang gobyerno ang sitwasyon ang mga commuter rason nga ginsuspende ang fare hike sang mga Public Utility Vehicle.
Nagpanawagan man ang natungdan nga magbuligay sa pagsinggitan sang ila kinamatarong sa husto nga benepisyo gikan sa gobyerno sa tunga sang nagapadayon nga ksrisis nga ginapangutang sang bug-os nga Pilipinas.
