-- ADVERTISEMENT --
ROXAS CITY – Ginalauman nga madugangan pa ang mga enrollees sa President Manuel Roxas Memorial School – North kadungan sang pormal nga pagbukas sang klase subong nga adlaw para sa School Year 2024-2025.
Sa interview sang Bombo Radyo kay Mrs. Ruth Barrios, Principal sang PMRMS – North, ginpahayag sini nga padayon ang ila pagbaton sang mga late enrollees kag mga transferee nagikan sa iban nga eskwelahan.
Suno kay Barrios nga may yara na sa karon sang masobra 900 nga enrollees ang nasambit nga buluthuan.
Samtang ginpasalamatan man sini ang mga stake holders, mga ginikanan kag LGUs nga nagpartisipar sa Brigada Eskwela sang tinalikdan nga semana bangud ila napreparahan sang maayo ang pagsugod sang klase.
