Ginkumpirmar sang Department of Education nga magasugod na sa masunod nga semana ang enrollment sa mga publiko nga mga buluthuan sa elementarya kag sekondarya para sa SY 2024-2025.
Ang pahayag sang DepEd, matapos nila nga ipaguha ang DepEd Memorandum No. 32 series of 2024 nga pirmado ni Education Undersecretary Nolasco Mempin.
Gintuad sa nasambit nga memorandum ang Enrollment Guidelines para sa SY 2024-2025 sa public elementary kag secondary schools.
Suno sa ahensya, tinutuyo sini amo ang tuytuyan ang tanan nga publiko nga buluthuan kag community learning centers (CLCs) sa enrollment procedures kag protocols sa nasambit nga school year.
Opisyal naman nga maga-umpisa ang klase sa palaabuton nga Hulyo 29 sini nga tuig.
Dugang pa sang DepEd, ang enrollment schedule ang magasugod halin Hulyo 3 tubtob Hulyo 26.
