Ginganyat sang isa ka environment group si President Ferdinand Marcos Jr., nga sulusyonan ang plastic crisis sa pungsod kasunod sang lapanagon nga pagbinaha tuga sang Bagyo Carina nga ginpabaskog nga Habagat.
Suno sa BAN Toxics, ang produksyon sang plastik ang nagapanguna nga rason sang pagbag-o nga klima.
Sa inauguration address sini sadto, nagpromisa si President Marcos nga pagatutukan niya ang climate change mitigation.
Suno kay Jam Lorenzo, pinuno ng BAN Toxics’ Policy Development, isa ini nga kahigayunan para sa administrasyong Marcos nga mangin isa ka matuyod nga tagadumala para sa mga pungsod nga mahina ang preparasyon sa nagabag-o nga klima.
Pang-apat ang Pilipinas sa bug-os nga kalibutan nga pinaka-apektado sang nagalala nga pagbaga-o sang klima halin 2000 tubtob 2019 base sa Global Climate Risk Index.
