Estados Unidos, magapatigayon sang nuclear weapon testing kaangay sang iban nga pungsod

Magapatigayon sang nuclear weapon testing ang Estados Unidos kaangay sang iban nga pungsod.

Ini ang ginpahayag  ni US President Donald Trump apang nagpamalibad ini nga magsabat kun ang plano ang nagalakip sang pagbomba sang nuclear warhead.

Matandaan sang nagligad nga bulan, ginmandu-an man ni Trump ang US military nga gilayon nga magsugod sa proseso sang pag-test sang nuclear weapons pagkatapos sang 33 ka tuig.

Nahibaluan nga ang special announcement ang ginhimo niya sa Truth Social samtang sakay sa iya Marine One helicopter padulong sa South Korea para sa isa ka trade-negotiating session upod kay Chinese President Xi Jinping.