Nagpirma ang Estados Unidos sang Amerika kag Iran sang 60 days ceasefire agreement paagi sa isa ka Memorandum of Understanding (MOU) nga nagatuyo nga tapuson ang pila ka bulan na nga tensyon kag away sa tunga sang duha ka pungsod.
Suno kay Marissa Pascual, International Correspondent direkta sa USA, ang nasambit nga kasugtanan nagatutok sa gilayon nga pag-untat sang military operations sang US, kag Iran.
Ginkasugtan man sang duha ka pungsod ngai-respeto ang soberanya kag territory integrity sang kada isa kag indi maghilabot sa internal nga mga isyu.
Samtang, ginbuksan naman ang Strait of Hormuz kag ginasiguro ang libre kag luwas nga pag-agi sang mga barko.
Pahayag pa niya, magapabilin ang status quo sang nuclear program sang Iran kag wala sang bag-o nga sanctions ukon dugang nga military deployment halin naman sa US.
Nahibaluan nga ang duha ka pungsod ang may 60 ka adlaw nga target para sa pinal nga deal nga ginapaabot nga aprobahan paagi sa binding resolution sang United Nations Security Council nga pagapirmahan sa Switzerland.
