ROXAS CITY – Patay ang 18-anyos nga estudyante matapos mahulog sa ginasakyan nga truck sa Barangay Sto. Niño, President Roxas Capiz.
Ginkilala ang biktima kay Monalyn Jimenez sang Barangay Tabun-acan, Pilar.
Base sa inisyal nga imbestigasyon sang President Roxas PNP, sakay ang biktima sa truck nga ginamaneho ni Jimmy Ballon 45-anyos kag magapauli na kuntani sa banwa sang Pilar apang pag-abot sa kurbadahon nga porsyon sang dalan hinali na lamang nagtakilid ang truck kag nahulog ang biktima nga nagapungko sa atop sang nasambit nga salakyan kag nalampos ang ulo sa semento.
Gindala pa sa Bailan District hospital ang biktima apang gindeklarar nga dead on arrival sang doktor.
Samtang gilayon naman nga nagsungka sa President Roxas PNP ang driver nga si Ballon nga karon nakahunong na sa bilangguan.
