-- ADVERTISEMENT --
ROXAS CITY – Balik presuhan ang isa ka ex-convict matapos nadakpan sa drug buy bust operation sang mga pulis sa Barangay Tanza Sur, Panay, Capiz.
Nakilala ang drug suspek nga si Vincent Cerujano sang Ilaya, Pontevedra, Capiz.
Suno kay Police Captain Marvin Rufino Balmes, hepe sang Panay Municipal Police Station, tatlo ka semana nga ginpaidalum sa monitoring si Cerujano antes ginpatigayon ang operasyon.
Nakumpirma sa monitoring nga wala nagbago ang nasambit nga drug suspek kag nagpadayon sa iligal nga aktibidad matapos makaguwa.
Samtang na-rekober sa suspek ang lima ka sachets sang droga kag P500 nga marked money.
-- ADVERTISEMENT --
