Nangin emosyonal ang mga himata, kaabyanan kag mangin ang mga miyembro sang One Direction sa lubong sang ila anay miyembro nga si Liam Payne.
Ginhiwat ang private service sa Amersham sa Buckinghamshire, north-west sang London.
Pila sa mga nagtambong, ang mga anay kaupdanan sini sa grupo nga sanday Harry Styles, Louis Tomlinson, Niall Horan kag Zayn Malik.
Kalakip man sa nagtambong ang nobya ni Payne nga si Kate Cassidy kag anay partner sini nga si Cheryl kun diin may ini sila nga duha.
Nag-abot ang kabaong ni Payne sa simbahan sakay sa isa ka kalesa nga puno sang mga bulak.
Madamo nga mga fans naman ang nag-abang sa karsada agud makita sa ulihi nga kahigayunan ang ila gina-idolo.
Matandaan nga nagtaliwan si Payne sang Oktubre 16 kun sa diin nahulog ini sa ikatatlo nga palapag sang hotel nga ginpuy-an sini sa Buenos Aires, Argentina.
