Natalana nga magbalik sa Earth ang crew sang Artemis II matapos ang makasaysayan nga journey sa bulan, sa diin ini ang labing una sa masobra 50 ka tuig nga may yara sang tawo nga nag-travel sa space.
Madinalag-on nga nakompleto sang mga astronauts nga sanday Reid Wiseman, Christina Koch, Victor Glover, kag Jeremy Hansen ang pagpadulong sa bulan.
Ang mission ang ginakonsidera nga major step para sa palaabuton nga space exploration.
Sakay sa Orion spacecraft ang mga crew nga yara na sa ila nga four-day journey.
Gamit ang gravity sang Earth, ang spacecraft ang ginabutong pabalik nga indi na kinahanglan pa nga maggamit sang gatong.
Suno sa NASA, ang capsule ang naka-schedule nga maghugpa sa Pacific Ocean malapit sa San Diego, California, 5:07PM Pacific Time sa Byernes, Abril 10 (8:07AM Philippine Time sa Abril 11).
Sa liwat nga pagsulod, magalabay ang Orion sa atmosphere sang Earth, maga-deploy sang parachutes kag hilway nga magahugpa sa dagat.
Ang mga recovery teams halin sa U.S Navy amo ang maga-assist sa mga astronauts.
Pasakyon ang mga ini sa helicopter padulong sa barko sang USS John P. Murtha para sa medical check up.
