Ginkumpirma ni retired police colonel kag anay PCSO General Manager Royina Garma nga gin-adopt sang Duterte administration ang ginatawag nga “Davao model” sa giyera kuntra batuk iligal nga droga kun sa diin ang mga opisyal nga angut sa pagpatay sa mga drug suspeks ang ginahatagan sang reward.
Sa affidavit nga gis-sumite ni Garma sa Quad Committee subong nga adlaw, gin-detalye sini ang pagpatuman sa “Davao model.”
Nangin emusyunal si Garma sang basahon sini ang iya supplemental affidavit kaangut sa war on drugs sang nakaligad nga administrasyon.
Sa affidavit ni Garma iya ginpahayag nga may yara sang tatlo ka modes of payment ukon sa ginahatag nga rewards.
Suno pa nga, una sa tagsa ka suspek nga napatay; pangduha para sa planado nga operasyon kag pangatlo sa refund sang operational expenses.
Gin-ako man ni Garma nga si anay Presidente Rodrigo Duterte ang personal nga nagtawag sa iya para sa pagbug-os sang isa ka national task force.
