Ginaselebrar ang bulan sang Mayo sang Bureau of Fisheries and Aquatic Resources ang ” Farmers and Fisherfolks Month” kunsa diin ginhatagan sang pagpasidungog ang mga manug pangisda kag mangunguma sang rehiyon 6 western visayas.
Sa interview sang Bombo Radyo kay Bureau of Fisheries and Aquatic Resources 6 – Regional Directress Remia Appari, ginpahayag sini nga nagtililipon ang mga fisherfolks leaders sa sini nga kahiwatan.
Suno kay Appari katuyuan sini nga programa agud mangin expose ang mga lideres sang mga manugpangisda sa mga pamaagi, practices kag programa sang BFAR kaupod ang mga LGUs.
Nangin highlight man sa aktibidad ang ini nga programa nga ginhiwat sang Mayo 26 nga Fisherfolks Day kun sa diin ang mga participante nagpatigayon sang mga manuhay-tuhay nga seminars natuhoy sa papel sang kadagatan sa climate regulation, carbon storage, kag clean Up drives ukon nanguha sang mga basura sa idalom kag sa gilid sang kadagatan para mapangapinan ang aton dunang manggad.
Mensahe ni Appari sa Publiko, nga ang mga kasubong sini nga mga pagpanikasog kag programa sang BFAR indi lang ini subong nga bulan nga makatuga sang mas matinlo nga kadagatan kundi nagatudlo man ini sa tanan nga oras para proteksyonan kag kooperasyon sang tanan para sa ikaayo sang aton kadagatan.
