FCU, napuhag sang ‘bomb threat’; klase, temporaryo nga ginsuspinde

ROXAS CITY – Ginpuhag sang gina-alegar bomb threat ang Filamer Christian University subong nga adlaw.

Suno kay Security Officer Roger Ibanez sang FCU nga kaina sang aga may nabaton sila nga mensahe nga may yara sang ginaalegar gintanom nga bomba sa isa ka departamento.

Bangud diri, ang mga estudyante ang wala naman ginpasugtan nga magsulod sa compound sang eskwelahan.

Gilayon nga nagpangayo sang responde sa mga katapo sang kapulisan ang administrasyon sang FCU.

Magapaguwa naman sang advisory natuhoy sa bomb threat ang tagdumalahan sang buluthuan.