Roxas City – Ginpaisol sang Commission Elections (COMELEC) ang filing sang Certificate of Candidacy (COC) para sa nagahilapit nga Barangay kag Sangguniang Kabataan elections sa bulan sang Agosto.
Sa interview sang Bombo Radyo kay Atty. Wil Arceño Provincial Election Supervisor Comelec Capiz, ginpayahag sini nga magasugod ang pagfile sang mga kandidato sang ila COC sa Agosto 28 tubtob Setyembre 2 subong nga tuig, ini ang kadungan sang paghinyo sang pila ka mga mamalidha i-isol ang filing sang COC bangud suno diri tuman pa ka temprano.
Mahibaluan nga sa Hulyo kun tani mahimo na nga magasugod mga magfile ang mga kandidato sang ila Certificate of Candidacy apang ini ang ginpa-isol, agud makabulig nga malikawan ang election-related violence kag “early politicking”.
Samtang sa masunod nga bulan, magapaguha man ang ahensya sang mas detalyado nga impormasyon angut sa pag-reset sang COC filing para sa Barangay kag Sangguniang Kabataan elections (BSKE).
