Isa ka Filipino American nurse ang posibilidad mapamatbatan sang death penalty sa Florida matapos ini ang gin-akusaran nga makapila ka beses sang Child Sexual Abuse nga naga-edad sang 12 anyos panubo kag pagtago sang ginatos ka child sexual abuse videos.
Ang akusado amo si Schubert Navarroza Macarat, 41-anyos, nga ginpasakaan sang 47 ka kaso, lakip ang 12 ka kaso sang sexual battery sa isa ka bata nga wala pa 12 anyos.
Nag-file naman ang mga prosecutor sang notice of intent agud hingyuon ang death penalty batok sa iya.
Suno sa mga imbestigador, nagguwa ang kaso matapos ginreport sang biktima sang Marso 22 angot sa gin-alegar pila ka tuig nga pagpang-abuso.
Sa tion sang imbestigasyon, narekober sang mga awtoridad ang apat ka terabyte nga hard drive nga nagaunod sang indi magkubos sa 3,000 ka mga video, lakip ang ginabanta 700 nga ginapatihan child sexual abuse material.
Nagapabilin naman sa kustodiya si Macarat nga wala sang piyansa samtang ginahearing ang kaso. Apang, sa idalom sang kasuguan sang Estados Unidos, ginakabig gihapon siya nga inosente tubtob nga indi mapamatud-an nga nakasala sa korte.
