Nagdala sang duha ka bronze medals ang Filipino judoka nga si Chino Sy matapos ang iya kampanya sa 2026 Florida Panamerican Open sa Estados Unidos kag sa 2026 Montreal Open sa Canada.
Ang 25-anyos nga atleta nagdaug sang duha ka medalya sa men’s 100-kilogram division, pagkatapos nga nagpaindis-indis sa mga eksperyensyado nga judoka sa North America.
Suno kay Sy, isa ka dako nga eksperyensya ang iya pagpasakop sa sini nga kompetisyon bangud naka-atubang siya sang mga beterano nga atleta, lakip na ang tatlo ka beses nga Olympian halin sa Cuba.
Maluwas sa mga medalya, nagserbe man ini nga dugang nga kumpiyansa kag inspirasyon agud mapauswag pa gid ang iya hampang.
Ang preparasyon ni Sy nagapadayon subong sa paglaum nga maka-qualify sa 2028 Los Angeles Olympics.
Filipino judoka Chino Sy, nagdala pauli sang duha ka bronze medal sa North America
-- ADVERTISEMENT --











