-- ADVERTISEMENT --

‎Ka-Bombo, sa isa ka tuig, pila ka beses ka bala mag lantaw sang sine?
‎
‎Daw mas balay na ni Glenwood Hoskin Jr. ang sinehan kaysa sa iya kaugalingon nga puluy-an matapos niya makatan-aw sang 1,207 ka pelikula sa sulod lamang sang isa ka tuig!
‎
‎Nakabutang sa Guinness World Records ang 60-anyos nga taga-Pennsylvania, USA matapos malampuwasan ang daan nga rekord nga 777 ka pelikula nga ginahawiran ni Zachariah Swope.
‎
‎Halin pa sang Abril 2024 tubtob Abril 2025, nagatan-aw na si Hoskin sang average nga 3.3 ka pelikula kada adlaw.
‎
‎Suno sa iya, nalingaw siya sa sini nga challenge kag nalipay man sa pila ka pelikula nga wala niya ginapaabot nga magustuhan, kasubong sang The Wild Robot kag Deadpool & Wolverine.
‎
‎Sa kadamo sang iya nalantaw, daw indi na siya kinahanglan mamangkot kun ano ang bag-o nga showing sa sinehan bangud halos tanan, nalantaw na niya!
‎