ROXAS CITY – Natalana sa Mayo 10, sini nga tuig patigayunon sang Commission on Election (Comelec) ang simultaneous final testing and sealing sang mga vote counting machines (VCM) nga gamiton para sa May 13 midterm elections.
Ini ang ginpahayag ni City Election Officer Atty. Hazel Palencia sang mainterview sang Bombo Radyo.
Suno kay Palencia nga katuyuan sini amo ang masiguro nga nagagana sang husto ang mga makita antes ang mismo adlaw sang eleksiyon.
Sa nasambit nga proseso, may ginapatigayon nga simulation para sa pagbukas sang VCM, pagsalang sang balota kag pag-transmit sang data.
Kun mangin madinalag-on ang amo nga aktibidad, diri na kag paga-selyuhan ang VCM bilang pamatuod nga handa na ang makina para sa adlaw sang eleksiyon.
Ang mga magapalya naman nga unit ang igapaidalom sa checkup kag panibag-o nga testing process antes dalayon nga i-deploy sa mga voting precincts.
