Ginkalipay sang napulo ka mga nagpartisipar sa final testing and sealing sang mga automated counting machine ukon ACM sa isa ka mall sa Pueblo de Panay Roxas City.
Base sa ginpatigayon nga testing sang amu nga ACM, nangin smooth, madasig kag wala sang ano man nga aberya, ilabi na ang pagshade nga mga balota.
Dugang pa nga klaro kag insakto ang nakasulat sa balota, amu man ang naga-guha sa resibo kag 100% nga ready na ang nasambit nga machine
Sa nangin pahayag ni Atty. Rommel Benliro, City Comelec Supervisor, ginpahayag sini nga wala na sang problema pag abot sa mga ACMs kag wala man suno diri sang mga major problems.
Sa karon, preparado na ang comelec sa subong nga nagahilapit ang eleksyon kag ipatigayon ang mall voting para sa mga taga-Barangay X sa Robinsons mall kag iga-anunsyo ang general result para sa bug-os nga precinct sa kabarangayan sa syudad sang Roxas kag magapabilin pa sa karon ang mga ACM sa nadesignar nga presinto tubtob sa adlaw sang eleksyon nga pagabantayan sang katapo sang PNP kag iban pa nga mga otoridad.
