Isa ka kaso sang fireworks-related injury (FWRI) ang nabalhag sa probinsya sang Capiz base sa Provincial Fireworks Related Injuries Bulletin nga ginpagwa sang Capiz Provincial Health Office samtang nagahilapit ang bag-ong tuig.
Suno sa bulletin, ang biktima yara sa edad nga 10 tubtob 19 anyos, nga amo man ang pinakaapektado nga age group sa nasambit nga kaso.
Ang biktima ang yara man sa maayo nga kahimtangan matapos sang insidente.
Nahibaluan nga ang injury ang bangud sang palupok nga “bawang-bawang” kag nagtuga sang paso kag pagka-utod sang bahin sang iya sini nga tudlo.
Base sa datos, ang insidente natabo sa banwa sang Pontevedra, nga amo una nga kaso nga ginreport sa bug-os nga probinsya.
Sa subong, wala man sang nabalhag nga kaso nga may kaangtanan sa pag-inom sang makahulubog nga ilimnon.
Nagapanawagan man ang Capiz Provincial Health Office sa publiko nga mangin mabinantayon sa paggamit sang paputok kag magsunod sa mga safety guidelines agud malikawan ang mga disgrasya kag injury.
