Nagalaom si Former 1Tahanan Party-list Representative Nathaniel Oducado nga mapadasig ang pagpasa sang KALINGA bill sa kongreso agud makabulig sa mga Pilipino nga apektado sang padayon nga pagsaka sang presyo sang mga kinahanglanon.
Ang KALINGA bill amo ang Comprehensive Livelihood, Inflation, Business and Goods Assistance Act nga may tinutuyo nga maghatag sang gilayon nga bulig sa mga pumuluyo sa tion sang krisis sa ekonomiya.
Sa interview sang Bombo Radyo kay Oducado, iya ginpahayag nga kinahanglan ang dugang nga suporta sa sektor sang agrikultura bangud sa epekto sang El Niño.
Suno kay Oducado, mahimo nga ma-implementar ang mga ang KALINGA Bill kon magdeklara ang Department of Energy sang kakulangan sa suplay sang enerhiya.
Ginakabalak-an man sini nga possible pa magsaka ang presyo sang mga balaklon bangud sang fuel inflation kag sa energy shortage.
