Gin-aresto sang National Bureau of Investigation (NBI) sanday Former Department of Public Works and Highways (DPWH) engineers Brice Hernandez kag Jaypee Mendoza.
Gintugyan sa Senate Office of Sergeant at Arms ang duha matapos nga nagtambong sa Senate hearing sang Lunes, Enero 19.
Nahibaluan nga ang duha ang co-accused ni Former Senador Ramon “Bong” Revilla Jr. sa kaso nga graft and malversation of public funds sa Sandiganbayan.
Matandaan nga gin-detain sila sa Senado humalin sang nagligad nga tuig matapos ma-cite incontempt bangud sa insubordination sa hearing sang blue ribbon committee sa flood control anomaly.
Ginkumpirmar man ni Senate President Vicente “Tito” Sotto III nga siya ang nag-authorize sa pagserbe sang warrant.
Magluwas kanday Revilla, Mendoza kag Hernandez, nadakpan man sang Sandiganbayan Third Division sanday Arjay Domasig, Juanito Mendoza, Emelita Juat kag Christina Pineda.
