Natalana nga maga-atubang subong nga adlaw sa hearing sang Independent Commission for Infrastructure (ICI)si anay House Speaker Rep. Martin Romualdez, kasunod sang imbitasyon nga ginpadala sa iya sang komisyon sang nagligad nga semana.
Suno kay ICI Spokesperson Atty. Brian Hosaka, ginbaton ni Romualdez ang imbitasyon kag nagpabutyag sang kahanda nga magtambong agud magkooperar sa imbestigasyon sang komisyon.
Lakip sa mga paga-istoryahan sa hearing amo ang proseso sa paghimo sang national budget sang siya pa ang Speaker of the House, subong man ang mga detalye sang budget allocations para sa flood-control projects nga ginpatuman sa idalum sang iya liderato.
Samtang, magahingyo naman ang komisyon sa Regional Trial Court nga i-cite in contempt si former Rep Zaldy Co kon liwat ini nga mapaslawan sa pag-atubang sa hearing sang komisyon subong nga adlaw.
Suno kay Hosaka,mahimo ini magresulta sa pag-issue sang arrest warrant batok sa anay kongresista kon mag-issue sang contempt order ang korte.
Base sa report, wala sa gihapon nagasabat si Co sa subpoena nga ginpadala sang ICI may kaangtanan sa imbestigasyon sa ginaalegar maanomaliya nga flood control projects.
