Ginpahayag ni Senate President Pro Tempore Panfilo “Ping” Lacson nga dapat kuntani nagtambong si anay House Speaker Martin Romualdez sa hearing sang Senate Blue Ribbon Committee agud sabton ang mga alegasyon batuk sa iya may kaangtanan sa gina-alegar korapsyon sa 2025 budget, labi na sa flood control projects.
Suno kay Lacson, nagpadala sang indi magnubo sa duha ka imbitasyon ang committee nga gin-agi sa opisina ni Faustino Dy III, subong man sang inter-parliamentary courtesy, agud tagaan sang kahigayunan si Romualdez nga magpahayag.
Apang, wala nagtambong si Romualdez sa mga hearing sang Nobyembre 14 kag Enero 19.
Samtang, sa iya video statement, ginpanginwala ni Romualdez ang pagkalakip sa kontrobersyal nga 2025 budget kag gintudlo sini sanday Francis Escudero kag Zaldy Co bilang kabahin sang bicameral conference committee nga nagbag-o sa General Appropriations Bill.
Sa karon, wala pa sang sunod nga schedule ang hearing sang Blue Ribbon Committee samtang ginahulat pa ang pagkumpleto sang partial committee report antes ini ipresentar sa plenaryo.
