Ginsumiter ni anay National Police Commission (Napolcom) commissioner Edilberto Leonardo ang iya counter-affidavit may kaangtanan sa murder and frustrated murder cases nga ginpasaka batuk sa iya may kaangtanan sa pagpatay kay PCSO board secretary Wesley Barayuga sadtong 2019.
Suno sa iya abogado nga si Atty. Andres Manuel, personal nila nga ginsumiter kag gin-aprubahan ang nasambit nga dokumento sini nga Biyernes, Mayo 2, sa Department of Justice (DOJ). Sa pihak nga bahin, nagpamalibad naman si Manuel nga ibuyagyag ang kaundan sang counter-affidavit.
Madumduman nga si Leonardo kag anay general manager sang PCSO nga si Royina Garma ang ginaalegar gintudlo nga utok sang krimen sa ginpatigayon nga House Quad Committee hearing, apang lunsay ginpanginwala ang mga alegasyon.
Samtang, ginhatagan man sang DOJ sang tion si Garma nga isumiter ang iya apostilled counter-affidavit suno sa iya abogado nga si Atty. Emeritus Quilang.
