-- ADVERTISEMENT --
Nagpalab-ot sang pagpasalamat si anay Presidente Rodrigo Duterte sa Iglesia ni Cristo (INC) sa pag-organisa sang “National Rally for Peace” kahapon nga adlaw.
Matandaan nga gintambungan ini sang masubra isa ka milyon nga miyembro sang grupo, suno sa mga otoridad.
Ginpahayag sang anay presidente nga ang nasambit nga rally ang kinahanglan sa karon sang pungsod kag indi ang mga tikang para sa anuman nga impeachment.
Suno sa anay presidente, indi kinahanglan ang pagbinahin-bahin kundi ang pag-isa lamang ang tikang para sa kaayuhan sang mga pumuluyo.
Magluwas diri, ginkilala man sini ang mga grupo kag indibidwal nga nagapakita sang kabalaka para sa kaayuhan sang pungsod.
-- ADVERTISEMENT --
