Ginpanginwala naman ni acting senate president Sherwin Gatchalian ang pahayag ni Senate President Alan Peter Cayetano nga wala ginpahibalo ang minority bloc sa ginaalegar pamahog sa senado.
Suno kay Cayetano, dapat kuntani gilayon nga ginpalab-ot ang kaangay nga impormasyon sa tanan nga senador kag empleyado sang amo nga institusyon.
Gin-athag ni Gatchalian nga tuman kadasig ang mga development gani una niya nga ginpatawag ang Senate Executive Commission agud istoryahan ang mga kinahanglanon nga tikang sa seguridad.
Pahayag pa sini nga prayoridad nila nga masiguro ang kaluwasan sang mga empleyado, Senate media, kag mga senador samtang gina-assess ang sitwasyon.
Dugang pa ni Gatchalian, ginpalab-ot sa tanan paagi sa isa ka memorandum ang impormasyon angut sa ginaalegar pamahog sa senado.
