Ginpahayag ni Senador Sherwin Gatchalian nga iya ginatinguha nga masiguro nga ang kada estudyante sa pampubliko nga eskwelahan may yara sang kumpleto nga set sang mga aklat para sa tagsa ka asignatura sa sini nga school year.
Suno sa senador, nagdugang ang pondo nga ginlaan sang gobyerno para sa mga textbook kag iban pa nga instructional materials agud masolbar ang madugay na nga kakulangan sang mga aklat sa mga eskwelahan. Ginpabutyag niya nga may yara sang P19.5 bilyon nga pondo nga ginlaan para sini nga programa.
Dugang pa ni Gatchalian, pareho ka importante sang pagpatindog sang dugang nga mga classroom ang paghatag sang igo kag kumpleto nga mga libro sa mga estudyante bangud daku ini nga bulig sa ila pagtuon kag paghangop sang mga leksyon.
Gin-agda man sini ang Department of Education nga siguruhon ang husto kag episyente nga paggamit sang pondo agud madali nga madistribwer ang mga aklat sa mga pampubliko nga eskwelahan sa bug-os nga pungsod
