Posible nga maghingyo si Acting Senate President Sherwin Gatchalian sang special Senate session kay President Ferdinand Marcos Jr. agud istoryahan ang delayed legislative agenda bangud sa sunod-sunod nga pagbag-o sa pamunuan sang Senado.
Suno kay Gatchalian, gina-finalize na sang Senado ang listahan sang mga hagna kag appointments nga dapat unahon kun ma-aprubahan ang special session, lakip na ang pila ka kumpirmasyon sa Armed Forces of the Philippines (AFP).
Ginhatagan niya pagtamod nga importante ang gilayon nga aksyon bangud apektado na ang mga operasyon sang gobyerno kag ang mga promosyon sang pila ka uniformed personnel nga nagahulat sang kumpirmasyon halin sa Commission on Appointments (CA).
Samtang, ginpahayag sang Malacañang nga bukas ang Presidente sa hingyo nga magpatawag sang special session kun may yara sang pormal nga hingyo kag maathag nga urgent agenda halin sa Senado.
